Lansio Llyfr Coginio Cymunedol Diwastraff yn yr Eisteddfod Genedlaethol yn Rhondda Cynon Taf.
Mae Nina yn un o’n Mentoriaid Cymheiriaid Egin. Yma, mae’n rhannu peth o’r gwaith y mae ei sefydliad, Strategaeth Bryncynon, wedi bod yn ei wneud. Os oes gennych ddiddordeb mewn derbyn mentora gan Nina (neu gan unrhyw un o’n mentoriaid eraill) yna cysylltwch â ni!
Roedd Strategaeth Bryncynon wrth ein bodd yn derbyn cyllid gan grant Lefel Uwch SPF i ddatblygu rhaglen consortiwm diogelwch bwyd, a oedd yn cynnwys dau bantri bwyd, Bwrdd Iechyd Prifysgol Cwm Taf Morgannwg a’r Eisteddfod. Roedd y partneriaid yn awyddus iawn i arddangos llyfr coginio cymunedol, sydd bellach yn barod i’w rannu gyda’r byd!!
Nid llyfr coginio yn unig yw hwn – mae’n ddathliad o goginio dim gwastraff, gan ddefnyddio eitemau o’n pantri bwyd, bwyd dros ben a’r hyn sy’n tyfu yn yr ardd. Gwnaeth ein cymuned wir ymuno ag ef yn darparu ryseitiau, llawer ohonynt wedi cael eu trosglwyddo drwy i lawr y cenedlaethau. Rhoddwyd cynnig ar y ryseitiau hyn a’u profi hefyd yn ein sesiynau coginio wythnosol, a chynigiwyd bag o gynhwysion i’r cyfranogwyr i roi cynnig ar y ryseitiau adref. Roedd y byrgyrs betys yn boblogaidd iawn!!
Gan mai prosiect Cwm Cynon oedd hwn, fe wnaethom alw ein llyfr coginio dwyieithog yn “Cwm Cynon – Cymuned sy’n Coginio”. Mae pob rysáit wedi’i grefftu yn ofalus i leihau gwastraff bwyd a hyrwyddo byw’n gynaliadwy. Mae o wir yn un cymunedol oherwydd yn hytrach na disgrifio’r ryseitiau yn fanwl, disgrifiodd Yvonne (a oedd yn rheoli’r llyfr coginio) y bobl a gyfrannodd.
Yr Eisteddfod, gyda’i gwreiddiau dwfn yn iaith, traddodiad a chymuned Gymraeg oedd y lle perffaith i ddadorchuddio’r llyfr coginio. Mae’n ŵyl sy’n dod â phobl at ei gilydd i ddathlu diwylliant, creadigrwydd a chydweithio – yr holl werthoedd sydd wrth wraidd ein gwaith o fewn ein cymuned. Fe’i lansiwyd ar Maes D, gyda Katie Hall o Chroma (efallai eich bod yn adnabod y band Cymraeg hwn) a’r cantores/cyfansoddwr Cat Southall o Aberdâr, a oedd wedi creu cân fach wych am y bobl a’r ryseitiau. Dangosodd gwirfoddolwyr sut i wneud y byrgyrs betys hyfryd, a dosbarthwyd y rhain i’r gynulleidfa.
Mae’r llyfr coginio, sy’n rhan o fentrau ehangach Newid Hinsawdd a Diogelwch Bwyd Strategaeth Bryncynon, yn dangos sut y gall newidiadau bach yn ein ceginau arwain at newidiadau mawr i’n planed, tra’n mwynhau prydau cartref traddodiadol iach wedi’u coginio gartref.
Gallwch lawrlwytho copi digidol am ddim o Gwm Cynon – Cymuned sy’n Coginio ar ein gwefan https://www.bryncynonstrategy.co.uk/a-culinary-community
Mwynhewch ddarllen a bwyta!!
Comments are closed.