Eglwys y Bedyddwyr Tywyn

Gweithio tuag at ddyfodol cynaliadwy drwy leihau allyriadau carbon a grymuso’r gymuned

Mae Eglwys y Bedyddwyr Tywyn wrthi’n gweithio tuag at ei nod o fod yn garbon niwtral erbyn 2030. Mae gweledigaeth yr eglwys yn cynnwys lleihau ei hôl troed carbon a meithrin ymdeimlad o berchnogaeth ymhlith aelodau’r eglwys a grwpiau defnyddwyr. Gyda chymorth Egin, mae’r eglwys wedi cymryd camau sylweddol, gan gynnwys Archwiliad Ynni a gosod paneli solar, tra hefyd yn mynd i’r afael ag effeithlonrwydd ynni’r adeilad.

Mae Eglwys y Bedyddwyr Tywyn yn gwasanaethu’r gymuned yn Nhywyn drwy ddarparu lle i grwpiau annibynnol ymgynnull yn rheolaidd. Gan gydnabod arwyddocâd newid hinsawdd, ymrwymodd yr eglwys i nod hirdymor o wneud eu hadeilad yn garbon niwtral erbyn 2030. Maent hefyd yn gobeithio cynyddu ymdeimlad o berchnogaeth a chyfranogiad ymhlith eu cynulleidfa a’r grwpiau sy’n defnyddio cyfleusterau’r eglwys.

Estynodd yr eglwys at Egin yn ôl yn 2023 i ofyn am gymorth ac arweiniad ar gyfer eu prosiect carbon-niwtral, yn ogystal â sicrhau bod eu hymdrechion cynaliadwyedd yn cael eu llywio gan gyngor arbenigol. Chwaraeodd eu hwylusydd Egin, Anne Marie, ran hanfodol wrth amlinellu eu nodau a’u cysylltu ag arbenigwyr perthnasol. Cynorthwyodd yr eglwys i ragweld camau pendant tuag at gynaliadwyedd, gan eu gosod ar lwybr ymarferol i gyflawni eu nodau.

Cysylltodd Anne Marie yr eglwys â Peter Draper, aseswr ynni arbenigol o sefydliad partner Egin, Severn Wye Energy Agency, a gynhaliodd archwiliad ynni o’r adeilad.

“Cadarnhaodd yr Archwiliad Ynni rai pethau yr oeddym eisoes yn eu hystyried ond taflodd syniadau eraill i’r gymysgedd hefyd… Mae cael llais Peter Draper o brofiad a chymhwyster y tu ôl iddo yn sicr wedi ychwanegu pwysau at ein achos. Mae’r adroddiad yn rhoi llawer o fannau cychwyn da i ni – y cynllun nawr yw dod o hyd i arbenigwyr lleol i fynd â ni ar ‘ddeif dyfnach’ i bob agwedd yn ei dro!” Dywedodd Andrew Howard o’r eglwys yn ôl ym mis Tachwedd ’23.

Yn dilyn yr archwiliad, roedd yr eglwys yn awyddus i osod arae paneli solar fel un o’r camau arwyddocaol cyntaf tuag at gynhyrchu ynni adnewyddadwy. Gan ddal i fyny â’r grŵp eto ym mis Medi 2024, fe rhoddon y diweddariad yma I ni:

“Er ein bod wedi gwynebu rhai anawsterau, gan gynnwys dod o hyd i fasnachwyr, rydym yn bwrw ymlaen â phenderfyniad!

Y newyddion cyffrous? Yr wythnos hon, mae’r gwaith yn dechrau o’r diwedd ac rydym wedi gosod yr uned batri yr wythnos diwethaf a dylem fod yn gosod paneli solar ar do’r eglwys yn ddiweddarach y mis hwn!

Mae hyn yn gam mawr yn ein taith tuag at leihau ein hôl troed carbon a chofleidio ynni adnewyddadwy.

Rydym hefyd yn cynllunio gwaith pwysig ar yr adeilad ei hun. Byddwn yn disodli’r rendr allanol i wella inswleiddio, gan helpu’r eglwys i gadw gwres yn fwy effeithiol a lleihau lleithder. Bydd yr uwchraddiad hwn nid yn unig yn gwneud yr adeilad yn fwy cyfforddus ond hefyd yn gostwng ein defnydd o ynni yn y tymor hir.”

Mae Eglwys Bedyddwyr Tywyn yn falch iawn o fod wedi derbyn y Grant Egin, a fydd yn mynd tuag at gostau taith yr eglwys i Net Zero; bydd yn mynd tuag at osod System Storio Batri a fydd yn cysylltu â’r gwaith ehangach o osod System Panel Solar PV newydd ar yr adeilad.